അരുണ്‍കുമാര്‍ പൂക്കോം
തോറ്റു കിടക്കുന്നിടത്തു നിന്നും
ചില കുതറലുകളാണ്
ഒടുവില്‍ ചെയ്തു നോക്കുന്നത്.
എഴുന്നേല്പിക്കുമ്പോള്‍
റഫറിക്ക് ഒരുവശം
ജേതാവിനുള്ള ആരവങ്ങള്‍ക്കിടയില്‍
തല താഴ്ത്തി നില്ക്കാന്‍
ആവാതിരുന്നിട്ടൊന്നുമല്ല.
റഫറി തന്നെയും
ഗോദയില്‍ തോറ്റ മനുഷ്യനാണ്.
അതുകൊണ്ടാകാം
റഫറി ഒരു റഫറി മാത്രമാകുന്നത്.
രണ്ടു തോറ്റ മനുഷ്യര്‍ക്കപ്പുറത്താണ്
ജയിച്ചയാളുടെ
കൈയുയര്‍ത്തിയുള്ള നില്പ്.
തലയാണ്,
അതിന്റെ നില്പുവശങ്ങളാണ്
ഒടുവില്‍ എന്നും ഗോദയിലെ സ്കോര്‍ബോര്‍ഡ്.
തോറ്റവരില്ലെങ്കില്‍
ജയിച്ചവര്‍ ഉണ്ടാകുന്നതെങ്ങനെ
എന്നതാണ് ചിലര്‍ പിന്നീടും
കളിയിലേക്കു തന്നെ
മടങ്ങിപ്പോകുന്നതിലെ യുക്തി.
എങ്കിലും
കൂടെ നില്ക്കുന്നവരുടെ
ഒടുവിലുള്ള തലതാഴ്ത്തിയുള്ള നില്പുണ്ടല്ലോ,
അതാണ് ചിലപ്പോഴെങ്കിലും
തോറ്റവരെ സങ്കടപ്പെടുത്തുന്നത്.
-0-
തോറ്റു കിടക്കുന്നിടത്തു നിന്നും
ചില കുതറലുകളാണ്
ഒടുവില്‍ ചെയ്തു നോക്കുന്നത്.
എഴുന്നേല്പിക്കുമ്പോള്‍
റഫറിക്ക് ഒരുവശം
ജേതാവിനുള്ള ആരവങ്ങള്‍ക്കിടയില്‍
തല താഴ്ത്തി നില്ക്കാന്‍
ആവാതിരുന്നിട്ടൊന്നുമല്ല.
റഫറി തന്നെയും
ഗോദയില്‍ തോറ്റ മനുഷ്യനാണ്.
അതുകൊണ്ടാകാം
റഫറി ഒരു റഫറി മാത്രമാകുന്നത്.
രണ്ടു തോറ്റ മനുഷ്യര്‍ക്കപ്പുറത്താണ്
ജയിച്ചയാളുടെ
കൈയുയര്‍ത്തിയുള്ള നില്പ്.
തലയാണ്,
അതിന്റെ നില്പുവശങ്ങളാണ്
ഒടുവില്‍ എന്നും ഗോദയിലെ സ്കോര്‍ബോര്‍ഡ്.
തോറ്റവരില്ലെങ്കില്‍
ജയിച്ചവര്‍ ഉണ്ടാകുന്നതെങ്ങനെ
എന്നതാണ് ചിലര്‍ പിന്നീടും
കളിയിലേക്കു തന്നെ
മടങ്ങിപ്പോകുന്നതിലെ യുക്തി.
എങ്കിലും
കൂടെ നില്ക്കുന്നവരുടെ
ഒടുവിലുള്ള തലതാഴ്ത്തിയുള്ള നില്പുണ്ടല്ലോ,
അതാണ് ചിലപ്പോഴെങ്കിലും
തോറ്റവരെ സങ്കടപ്പെടുത്തുന്നത്.
-0-
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ