അരുണ്‍കുമാര്‍ പൂക്കോം
പണ്ടൊക്കെ ചുമരില്‍ ആണിയടിച്ചു തൂക്കിയ
കറുപ്പും വെളുപ്പും വിവാഹഫോട്ടോകള്‍ ഉണ്ടായിരുന്നു.
അവരിരുവരും നോക്കുന്നവരെ
നോക്കിച്ചിരിക്കാറുമുണ്ടായിരുന്നു.
വശം തെല്ലൊന്നു മാറിച്ചിരിച്ചാല്‍
അവരും കണ്ണുകള്‍ തെല്ലൊന്ന് ചെരിച്ചു ചിരിക്കുമായിരുന്നു.
അവരാകമാനം മനസ്സിനൊരു സന്തോഷമായിരുന്നു.
ചില ചുമരുകളില്‍ കിളിക്കൂടും ക്യതാവും കട്ടിക്കോളറുമുള്ള
ദേഹത്തോടൊട്ടിയ ഷര്‍ട്ടിട്ട ചെറുപ്പക്കാരുടെ പടങ്ങളുണ്ടാകും.
ചിലര്‍ നാടു മാറ്റാന്‍ പോയി തിരിച്ചു വരാത്തവര്‍,
ചിലര്‍ പാതിവഴിക്ക് ഇറങ്ങിപ്പോയവര്‍.
നാട്ടുവര്‍ത്തമാനങ്ങള്‍ പറയുമ്പോഴും
അയാള്‍ നനവൂറുന്നതു പോലുള്ള
കണ്ണുകളാല്‍ നമ്മെ സങ്കടപ്പെടുത്തിക്കൊണ്ടിരിക്കും.
മറ്റു ചിലരുണ്ട്, പ്രായമായവര്‍, ചുമരിലെ ഫോട്ടോയില്‍ ഗൌരവത്തിലിരിക്കുന്നവര്‍.
പറയുന്നൊക്കെയും ഇഷ്ടപ്പെടായ്ക വരുമോ എന്ന്
മുള്‍മുനകളില്‍ ഇരുത്തുന്നവര്‍.
ചായ കുടിക്കാന്‍ വിളിക്കുമ്പോഴും മനസ്സയച്ചിട്ട്
കഴിക്കാന്‍ പോലും സമ്മതിക്കാത്തവര്‍.
ഇന്നത്തരമൊരു വീടു കണ്ടാല്‍ തോന്നും
മനസ്സിനകത്ത് ഇരുത്തേണ്ടവരെ
പുറത്തിരുത്തിയിരിക്കുന്നുവെന്ന്.
-0-
പണ്ടൊക്കെ ചുമരില്‍ ആണിയടിച്ചു തൂക്കിയ
കറുപ്പും വെളുപ്പും വിവാഹഫോട്ടോകള്‍ ഉണ്ടായിരുന്നു.
അവരിരുവരും നോക്കുന്നവരെ
നോക്കിച്ചിരിക്കാറുമുണ്ടായിരുന്നു.
വശം തെല്ലൊന്നു മാറിച്ചിരിച്ചാല്‍
അവരും കണ്ണുകള്‍ തെല്ലൊന്ന് ചെരിച്ചു ചിരിക്കുമായിരുന്നു.
അവരാകമാനം മനസ്സിനൊരു സന്തോഷമായിരുന്നു.
ചില ചുമരുകളില്‍ കിളിക്കൂടും ക്യതാവും കട്ടിക്കോളറുമുള്ള
ദേഹത്തോടൊട്ടിയ ഷര്‍ട്ടിട്ട ചെറുപ്പക്കാരുടെ പടങ്ങളുണ്ടാകും.
ചിലര്‍ നാടു മാറ്റാന്‍ പോയി തിരിച്ചു വരാത്തവര്‍,
ചിലര്‍ പാതിവഴിക്ക് ഇറങ്ങിപ്പോയവര്‍.
നാട്ടുവര്‍ത്തമാനങ്ങള്‍ പറയുമ്പോഴും
അയാള്‍ നനവൂറുന്നതു പോലുള്ള
കണ്ണുകളാല്‍ നമ്മെ സങ്കടപ്പെടുത്തിക്കൊണ്ടിരിക്കും.
മറ്റു ചിലരുണ്ട്, പ്രായമായവര്‍, ചുമരിലെ ഫോട്ടോയില്‍ ഗൌരവത്തിലിരിക്കുന്നവര്‍.
പറയുന്നൊക്കെയും ഇഷ്ടപ്പെടായ്ക വരുമോ എന്ന്
മുള്‍മുനകളില്‍ ഇരുത്തുന്നവര്‍.
ചായ കുടിക്കാന്‍ വിളിക്കുമ്പോഴും മനസ്സയച്ചിട്ട്
കഴിക്കാന്‍ പോലും സമ്മതിക്കാത്തവര്‍.
ഇന്നത്തരമൊരു വീടു കണ്ടാല്‍ തോന്നും
മനസ്സിനകത്ത് ഇരുത്തേണ്ടവരെ
പുറത്തിരുത്തിയിരിക്കുന്നുവെന്ന്.
-0-
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ