അരുണ്കുമാര് പൂക്കോം
എനിക്കായതു
കൊണ്ടുമാത്രമത്രെ
ബലൂണിന്
തെല്ലുകാശു കുറച്ചത്.
എനിക്കയാളെയും
അയാള്ക്കെന്നെയും
അറിയില്ല എന്നതെന്റെ
വെറും തോന്നലാവാം.
അല്ലേലും ഞാനിതാരാ മോന്
എന്നു ഞാന് എന്നോട്
ചിരിക്കുന്നു.
മനസ്സിലൊരു
കണ്ണാടി നോക്കുന്നു.
തെല്ലു നേരം
നിവര്ന്നുനടക്കുന്നു.
ഊതിവീര്പ്പിച്ച
കാറ്റൊഴിയുമ്പോള്
ബലൂണ് താനേ വാടുന്നു.
-0-
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ